Zinta magnetiko
| Zinta magnetiko | |
|---|---|
datuak biltzeko gailua, machine-readable medium (en)  eta magnetic memory (en) | |
  Irudi gehiago | |
Zinta magnetikoa informazioa biltzeko bitarteko edo euskarri mota bat da. Poliesterrezko edo beste edozein material malguzko zinta izaten da, magnetizazioarekiko sentikorra den geruza batez (gehienetan burdin oxidoa edo kromatoren bat) estalita dagoena eta soinua, irudia, bideoa, datuak eta abar erregistratzeko balio duena.[1][2][3]
Hainbat zinta mota daude, bai neurri fisikoen arabera, bai eraketa kimikoaren arabera, bai grabazio-formatuaren arabera, bai grabatu nahi den informazio mota espezializatuaren arabera.
Zinta magnetikoko datuak masiboki biltegiratzeko gailu informatikoak segurtasun-kopietarako eta informazio-prozesu sekuentzialerako erabiltzen dira nagusiki, hala nola erakunde publiko eta pribatu handien nominak egiteko.
Musika (audio-kasetea bezala) eta bideoa (VHS zintak bezala) analogikoki gordetzeko ere erabili da.[4][3][5]
Erreproduzitzen/grabatzen duen ekipoaren arabera, audioko zinta magnetikoak izen desberdinak ditu:
- Soinu-bobina edo bobina-zinta irekia, magnetofonoa bada. Zinta magnetikoa bobina baten biribilka daiteken plastikozko euskarri magnetizagarria da. Gailu honen unitatea armairu bateko itxura du. Honen barruan bobina bi daude, bat igorlea, irakurtzeko eta idazteko eta bestea hartzailea, irakurtzeko eta idazteko burutik igaro eta gero zinta bertan biltzen dena. Ezaugarriak:
- Zinta euskarri jarraitua edo sekuentziala, beraz ez da helbideragarria
- Euskarria berrerabilgarria da
- Biltegiratze ahalmena bit-hazbetekotan neurtzen da (bpi bits per inch).
- Kasetea, kasete edo walkman erreproduzigailu batean formatu trinkoan erabiltzen denean.
- Soinu-kartutxoa, kartutxoek erabiltzen dutenean. Aurrean aipatutako zinta magnetiko da baina agerian dagoen bobina baten agertu beharrean, zintaren bobinak kartutxo batez babestuta daude, normalki plastikozkoa. Askoz txikiagoak dira. Bideo-zintak bezala baina txikiagoak.
- Bideo-zinta, bideo-grabagailu eta bideo-erreproduzigailuetan erabiltzen denean.
Erreferentziak
- ↑ «Zinta magnetikoa (ZT Hiztegi Berria)» zthiztegia.elhuyar.eus (Elhuyar) (Noiz kontsultatua: 2021-07-21).
- ↑ (Katalanez) Lógica. UOC 2002 ISBN 978-84-8429-574-7. (Noiz kontsultatua: 2021-07-17).
- ↑ a b «Soinua grabatzeko sistemak» www.ehu.eus (Noiz kontsultatua: 2021-07-21).
- ↑ «Soinua grabatzeko sistemak» www.ehu.eus (Noiz kontsultatua: 2021-07-17).
- ↑ «Formats de video de cinta magnètica» web.archive.org 2001-07-31 (Noiz kontsultatua: 2021-07-17).
Ikus, gainera
- Babes digitala
- Biltegiratze periferiko
Kanpo estekak
- Peter Z. Adelstein. La permanència de la informació numèrica / Zenbakizko informazioaren iraunkortasuna Revista Catalana de Archivística. Paper-sorta 18/2001.PDF
- IBMk eta Fujifilm-ek 35TB gordetzeko aukera ematen duen zinta magnetikoa garatu dute
| Autoritate kontrola |
|
|---|
Datuak: Q193663
Multimedia: Magnetic tapes / Q193663
