Harmonia Mundi

Harmonia Mundi

Datuak
Mota	independent record label ^(en) eta diskoetxea
Herrialdea	Frantzia
Eskumendekoak	World Village
Agintea


Egoitza nagusi	Arles

Jabea	PIAS Group ^(en)
Historia
Sorrera	1958
Sortzailea	Bernard Coutaz ^(en)
webgune ofiziala

Philippe Herreweghek, beste musikari askoren arabera, bere ibilibe osoa zigilu frantziarrarekin egin du.

Harmonia Mundi (euskaraz: «Munduaren Harmonia») diskoetxe frantziar ospetsua da. Zigiluak musika klasikoa promozionatzen du baina baita ere munduko musika edo musika etniko globala, World Village zigiluarekin. Enpresa Arlesen, Rodanoren Ahoaken dago kokatuta. Etxea 1958an sortu zen Bernard Coutazen eskutik. 1988tik ere liburuen zabaltze lanak egiten ditu bestetik.^[1] Ameriketako Estatu Batuetan adar bat du, Harmonia Mundi (USA). Alemanian, azkenik, Deutsche Harmonia Mundi dago baina beste enpresa erabat desberdina da, arteko loturarik gabekoa.

Historia

Bernard Coutazek, 1957an, Erato diskoetxearekin batera, «Club chrétien du disque» sortu zuen. Bildumaten lehen diskoa urte horren amaieran plazaratu zuen: Michel-Richard de Lalanderen moteteak. Beste bederatzi ere plazaratu zituen eta, orduan diskoetxe propioa sortzea erabaki zuen.^[2] Harmonia Mundi, beraz, 1958an sortu zuen eta egun Frantziako musika klasikoaren diskoetxe independente zaharrena da. 1962an bulego nagusia Parisen egokitu zen, Saint-Michel-l'Observatoiren. Hasiera batean, Carl de Nys eta Pierre Rochas adiskideen aholkuak jarraituz, katalogoa organoan oinarritu zen, Europako organu historikoen grabazioekin. Halaber, aldizkari bat sortu zuen, Orgues historiques, gai bera jorratzeko; aldizkariaren zenbaki bakoitzak grabazio bat zeraman. poliki-poliki beste garaietako eta musika-tresnen grabazioak plazaratu zituen: Pizkundekoa, Barrokoa, e.a.

1976an, banaketa propioa ziurtatu zuen eta diskoetxearen garai onena hasi zen. 1980tik aurrera ere beste diskoetxeen lanak zabaldu zituen. 1981ean Londresen lehenengo eskumendeko enpresa ireki zuen. Beste disketxeak desagertzen ari ziren bitartean Harmonia Mundi denda propioak irekitzeari ekin zion: 45 Frantzian eta 3 Espainian. 1988an liburuen banaketan zentratutako adar bat sortu zuen, bestetik.

1993an, konpainiak Le Chant du Monderen musika edizioak erosi zituen. Orain 160 lagunek lan egiten dute Mas de Vert-en, bost filialek osatutako nazioarteko talde bateko enpresa nagusian, eta horietako batzuek produkzio fonografikoaren zati bat eskaintzen dute. Aldi berean, katalogoa aberastu zen eta herrialde guztietako lankidetza ugariri ireki zitzaien. Gaur egun, Harmonia Mundik errepertorio guztiak grabatzen ditu, antzinako musikatik hasi eta XXI. mendeko musika arte, eta erabat finantzatzen du bere ekoizpena finantza independentzia osoaren bidez. Hedapen honek René Jacobs eta Philippe Herreweghe bezalako musikarien bilakaerarekin bat egin du; izan ere, hogei urte baino gehiagoko lankidetzaren ondoren, Harmonia Mundirako grabatzen jarraitzen dute belaunaldi gazteen musikariekin batera.

2006an, Harmonia Mundik 470 pertsonei lana ematen zien eta disko klasikoen %18a eramaten zuen. Urtero 50 eta 60 arteko grabazio berriak plazaratzen zituen eta 60 milioi euroko merkatua mugitzen zuen. 2010eko otsailaren 26an, Bernard Coutaz hil zen eta Eva Coutaz bere postua hartu zuen.

Mende berriarekin musikaren kontsumitzaileen ohiturak aldatu dira eta horren ondorioz Harmonia Mundiren dekadentzia hasi zen. 2013an ia irekita zituen denda erdiak itxi egin behar izan zituen. Fenomenoa ez zen hor gelditu eta gero eta denda gehiago itxi behar izan ditu. Diskoen salmentak ere asko jaitsi egin dira urte hauetan. Hala ere, oraindik orain, prestigio handiko diskoetxea da.